Историски момент - Прва земја која законски гарантира иста плата за мажи и жени
Објавено во: Економија 03 Јануари, 2018
Исланд направи историски чекор откако стана првата земја во светот во која законска обврска е еднаква плата за мажите и жените, без оглед дали станува збор за државна институција или приватна компанија.
Според новите закони кои стапија на сила секоја организација која има над 25 вработени ќе мора да добие државен сертификат со кој ќе гарантира дека мажите и жените ќе земаат еднаква плата за исто работно место, функција, позиција или работни обврски и задачи.
Исланд е признат и од Светскиот економски форум како најнапредна земја кога се во прашање еднаквите можности за мажите и жените, каде има најголем баланс на жени директори и раководители на сектори.
Законските измени кои беа најавени лани на 8 март сега добија едногласна поддршка од сите партии во Парламентот каде пак, 50% од пратениците се жени.