Италија пак ја стресе земјотрес источно од Норча
Објавено во: Свет 25 Август, 2016
Нов земјотрес со јачина од 4,6 степени според Рихтер утрово ја погоди Италија, што се вкупно 22 земјотреси во изминатото деноноќие.
Новиот потрес бил со епицентар на 7 км источно кај градот Норча. Тој бил на длабочина од само 2 километри, со епицентар на 123 километри североисточно од престолнината Рим и на 55 километри северно од Аквила. Засега нема податоци за настрадани луѓе и нанесени материјални штети од овој земјотрес.
Во земјотресот кој ја стресе централна Италија загинаа 247 луѓе, а италијанскиот премиер Матео Ренци најави дека денеска ќе биде прогласена вонредна состојба. Од нив 190 луѓе загинале во областа Лацио, а 57 - во областа Марке. Тоа го претвора земјотресот во еден од најсмртоносните во Италија за последните години.
Италијанската агенција за цивилна заштита информираше дека спасувачите и понатаму трагаат по преживеани под урнатините во планинските села. Стотина луѓе се повредени, од кои голем број се во тешка состојба.