„Италијанската одбрана како швајцарско сирење“: Европа добива нов фудбалски владетел, Швајцарија ја елиминира Италија
Објавено во: Спорт 29 Јуни, 2024 21:42
Фудбалската репрезентација на Швајцарија се пласираше во четвртфиналето на Европското првенство, откако во Берлин ја совлада Италија со 2:0.
Стрелци за Швајцарија беа Ремо Фројлер во 37 и Рубен Варгас во 46 минута.
Овој натпревар беше следен со посебно внимание ширум светот.
„Големиот Швајцарец го исфрли актуелниот шампион на Европа“, гласи насловот на Index.hr, а во текстот се наведува дека победата била – рутинска!
Порталот „24sata.hr“ пишува дека „италијанската одбрана била како швајцарско сирење“, додавајќи дека „Варгас го постигна еден од најубавите голови на ЕУРО“.
Швајцарија во четврт-финалето ќе игра против подобриот од натпреварот Англија-Словачка на 6 јуни во Дизелдорф.
Фото: УЕФА ЕУРО 2024
