Италијанци или Индијци, кој ќе го купи „Астон Мартин“?

Добивај вести на Viber

По филмовите за Џејмс Бонд филм,  брендот спортски автомобили Астон Мартин станува се поинтересен за големите компании. Како што јавува Ројтерс, италијанската приватна компанија за инвестиции „Investindustrial“, како и индискиот производител „Mahindra“ имаат интензивни преговори и сакаат да си обезбедат удел од 50% во познатата британска компанија. Италијанците влегле во трката со понуда од 250 милиони фунти (309 милиони евра), но Индијците го зголемија својот износ за акциите на Астон Мартин. Инвеститорите од Европа се уште се  убедени во победата, бидејќи располагале со техничката поддршка од Meрцедес. Одлуката би можела да биде донесена викендов, а за тоа кој ќе биде идниот мнозински сопственик на компанијата треба да реши кувајтското инвестициско друштво „Investment Dar“ што сега сопственик на производителот. Италијанците не се почетници во оваа индустрија.„ Investindustrial“ се стекна во 2006 година со италијанскиот производител на мотоцикли „Ducati“, а во април 2012 година го продаде за 860 милиони евра на Ауди. Зад компанијата стои познатото италијанско семејство Бономи.