Иванов не сака да ја промени веб-страницата
Објавено во: Македонија 15 Февруари, 2019
Претседателот на државата Ѓорѓе Иванов не сака да го промени називот на Кабинетот според новото уставно име и неговата веб-страница за информации засега останува иста.
Денеска истекува последниот ден за промена на името на државата во Северна Македонија на сите дигитални записи логoа, меморандуми, електронски комуникации, веб-страници, медиуми кои произлегоа од договорот од Преспа. Сите институции треба соодветно да ги изменат меморандумите, печатените материјали, папките, индикаторите, во рок од 2 недели.
Шефот на државата не го ратификуваше Указот на договорот од Преспа, кој беше објавен во Службен весник само со фуснота.