Иванов: Се наоѓаме со туристички велесили на Балканот, имаме од каде да видиме и препишеме

Добивај вести на Viber

Како територија се наоѓаме со туристички велесили на Балканот, имаме од каде да видиме и да препишеме, но тоа треба да се прави брзо и умно и тоа е олеснителната околност за нас, вели туристичкиот работник Ангел Иванов во неделното интервју на Радио Слободна Европа.

Тој вели дека има зголемување на бројот на туристи,  но тоа не е драматично. Лани конкретно имало 816 илјади туристи од кои 485 илјади биле странски. За овие бројки Иванов вели дека се задоволителни за Македонија,  но за околните земји на Балканот  не. Додава дека негов сон се два милиони туристи, но не верува дека тоа ќе го оставри во својот работен век.

„Јас би посакал два милиони годишно, но тоа се желби кои треба да се исполнат, но на кои влијаеме сите, не само ние од туризмот, туку и целата држава и вие, сите. Веројатно наскоро ќе се остварат, но можеби не во првото петолетие. Ќе ни треба време, затоа што конкурираме на сериозен пазар во светот. Јас многу пати го употребувам изразот - како Струга има друга. Знаете какви „Струги“ има во светот кои нам ни конкурираат. Ние не сме ги виделе и мислиме дека сме меѓу поубавите во светот. Една Тоскана на пример, ние го имаме Кратово, но сите знаат за Тоскана, не знаат за Кратово, бидејќи Кратово е интересна приказна, но треба да се доврши“ - рече Иванов.

Тој вели дека нема потреба да одиме во Америка, туку доволно е за туризам да ги погледнеме соседите како се развиваат.