ИЗНЕНАДУВАЊЕ: Омилениот автомобил на Германците

Добивај вести на Viber

Како изгледа листата на автомобили, од кои се најзадоволни возачите во Германија. Рангирањето е создадено од JD Power, и се базира на консултации од 18 000 возачи на автомобили. Во овој случај експертите од JD Power го разделиле рангирањето на два дела. Во првиот се квалификуваат најомилените марки автомобили, а во вториот - најомилените модели во секој сегмент од пазарот. На табелата се вклучени автомобили кои биле регистрирани во земјата помеѓу јануари 2011 и декември 2012 година. Самото анкетирање на сопствениците им е спроведено меѓу декември 2013 и февруари 2014 година. А критериумите по кои се оценуваат машините , се следниве: задоволството од колата, дизајн, удобност, сигурност, економичност, трошоци за одржување, по продажбата. Во класификацијата по брендови лидер е германската Porsche, која собира 835 поени од максимални 1000. На второ место со еднаков резултат се Toyota и Volvo, а во првата петорка се наоѓаат уште Mercedes- Benz и Skoda. На спротивниот пол се Fiat, Chevrolet и Dacia, кои ги завземаат последните три места во класификацијата. Лидери во аранжман според класа на машината се Toyota и Volkswagen кои имаат по два модела на челните места. Со едно одличје пак се Mercedes-Benz, Opel, Seat и Volvo. Со највисок резултат меѓу сите автомобили е Toyota Avensis - 848 поени од максимални 1000. Генерално возачите во Германија изјавиле дека најважен при изборот на нов автомобил е критериумот сигурност - вкупно 56% од анкетираните го дале тој одговор. Речиси 50% пак ја определиле како најважна цената, а 46% се изјасниле дека тоа е безбедноста на возилото. К.К.