ИЗРАЕЛ ТВРДИ: Во Газа има гориво, но Хамас го користи за воени потреби

Добивај вести на Viber

Израел тврди дека во Газа има гориво, но палестинската терористичка група Хамас повеќе сака да го користи за армијата отколку за болниците. 

Израелската армија денеска го оспори тврдењето на Агенцијата на ОН за палестински бегалци (УНРВА) дека наскоро ќе снема гориво во Појасот Газа.

„Колку што знам, сè уште има струја во Појасот Газа. И овој извештај е малку сомнителен“, рече портпаролот на армијата, потполковник Џонатан Конрикус.

Тој додаде дека ја информирале агенцијата на ОН за тоа каде Хамас, кој управува со Појасот Газа, набавува дизел и други видови гориво, и дека сето тоа е во палестинската енклава.

„Има доволно гориво за многу денови, за да работат болниците и пумпите за вода. Само приоритетите се различни. Хамас претпочита целото гориво да го насочува кон своите воени потреби, оставајќи ги цивилите без него“, додаде портпаролот на израелската армија.

Болниците во Газа примаат само итни случаи поради стравувањата дека резервите на гориво би можеле се исцрпат во наредните часови.

Франција испрати помош за болниците во Газа. И Кина, но и други земји ќе пратат помош за населението во Газа.