Изречени казни и до 10 илјади евра за користење пиратски софтвер

Добивај вести на Viber

Координативното тело за интелектуална сопственост на Република Македонија и надлежните судови во Република Македонија ги засилија своите мерки во борбата против софтверската пиратерија. Во изминатиот месец Основните судови во Прилеп, Скопје и Тетово, покрај одземањето на средствата и опремата со кои се сторени кривичните дела, неовластена употреба на туѓ софтвер, досудија и оштетни побарување во денарска противвредност од над 10.000 евра. „Би сакал да ја изразам мојата благодарност на сите вклучени во процесот на почитување и спроведување на заштитата на правата од интелектуална сопственост во нашата држава. Особено сакам да ја изразам својата благодарност до преставниците на државните органи на Република Македонија кои партиципираат во Координативното тело за интелектуална сопственост. Особено радува фактот што во последно време надлежните судови во Република Македонија, кои постапуваат по нашите пријави против сторителите на казниви дела изрекуваат поостри казни (високи парични казни, казни затвор во траење до 1 година условени за 2 години да не се повтори кривичното дело), но и досудуваат високи износи на надомест на штета”, изјави Мите Костов, Претседател на Координативното тело за интелектуална сопственост на Република Македонија. Според Костов, Координативното тело за интелектуална сопственост и органите на прогонот ги следат активностите на некои продавачи на компјутери кои не само што инсталираат нелегален софтвер на компјутерите кои се наоѓаат во нивните продавници и на компјутерите кои ги продаваат, туку ги информираат купувачите дека нивни вработени ќе дојдат во нивните домови со цел да им инсталираат нелегален софтвер Ваквата појава ќе се набљудува, вели тој, а тоа ќе доведе до превземање на први законски санкции против овие компјутерски компании. „Сакаме да напоменеме дека покрај фирмите и поединците ќе бидат најстрого казнети, а компјутерите и другата опрема ќе биде одземена“, додава Костов.