17 Мај, 2022
0.0236

Извршител му заплени 9,5 милиони евра на Самсоненко

Објавено во: Економија 01 Декември, 2021

Извршителот Никола Богатинов на 26 ноември пријавил дека од уделот на бизнисменот Сергеј Самсоненко во компанијата „Сис Инвест Груп“ има налог за запленување на имот од 9,5 милиони евра.

Извршителот го известил трговското друштво дека се врши заплена на уделот во големина од 9.540.749 евра од главнината на „Сис Инвест Груп“. на должникот Сергеј Самсоненко заради наплата на побарување.

Во Централниот регистар е соопштено дека доверителот се стекнува со заложно право на уделот,а  на должникот му се забранува да располага со запленетиот удел. Во известувањето се напоменува дека на 29 декември 2020 Основниот граѓански суд Скопје донел решение да запре стечајната постапка по предлог на должникот откако на тоа се согласиле доверителите кои пријавиле побарување. Но по речиси една година уделот на Самсоненко од предмет на стечајна маса сега станува предмет на извршување, бидејќи по правосилноста на решението „Сис инвест груп“ во меѓувреме излегува од стечај и може слободно да управува и да располага со имотот што влегол во стечајна маса.

„Сис инвест груп“ ги поседува најверојатно најатрактивниот плац во земјата во центарот на главниот град, заедно со недоградениот хотел „Мериот Кортјард“ и невселениот Офицерски дом, во кој требаше да има и градска куќа. Вкупното побарување од фирмата на рускиот бизнисмен во судскиот процес изнесуваше исто така 9,5 милиони евра.

Претходно медиумите пишуваа дека во овие објекти Самсоненко досега вложил 14 милиони евра, а франшизата за хотелот „Мериот Кортјард“ ја платил 199.000 евра. За да го заврши целиот градежен потфат, Самсоненко проценил  дека му се потребни уште 20 милиони евра.

Тој во претходно интервју рече дека „злосторничко здружување со мрежа на корумпирани нотари, извршители и судии, се обидуваат да му го одземат деловно-хотелскиот објект преку обезвреднување, фалсификување и вметната клаузула за активирање на стечај“.

А.К.

Можеби ќе ве интересира

Откако Индија забрани извоз на житарици, цените скокнаа

Откако Индија забрани извоз на житарици, цените скокнаа

Кога Бугарија ќе влезе во еврозоната?

Кога Бугарија ќе влезе во еврозоната?

Колку рубљи се тргуваат за еден долар?

Колку рубљи се тргуваат за еден долар?

Цената на „црното злато“ е највисока во последните седум недели

Цената на „црното злато“ е највисока во последните седум недели

За првпат имале помалку невработени отколку слободни работни места

За првпат имале помалку невработени отколку слободни работни места

СОНК и МОН се на чекор до договор за платите

СОНК и МОН се на чекор до договор за платите

Инфлацијата е најголемата грижа на Германците – се бараат производи на попуст, а се штеди и на енергија

Инфлацијата е најголемата грижа на Германците – се бараат производи на попуст, а се штеди и на енергија

АСО реши 4 пати повеќе претставки во корист на осигуреници

АСО реши 4 пати повеќе претставки во корист на осигуреници

ДЕН КОГА САУДИСКИОТ ГИГАНТ ГО ТРУНА ЕПЛ ОД ТРОНОТ: Вака „Aramco“ стана највредната компанија во светот

ДЕН КОГА САУДИСКИОТ ГИГАНТ ГО ТРУНА ЕПЛ ОД ТРОНОТ: Вака „Aramco“ стана највредната компанија во светот