ЈА ПРЕКИНАА ПРОДАЖБАТА НА БИЛЕТИ ОД СКОПЈЕ ДО КРФ - грчки Ејџијан Ерлајнс ја укина авиолинијата која требаше да се одвива два пати неделно
Објавено во: Економија 21 Мај, 2024 09:53
„Aegean Airlines“ ја прекина продажбата на билети за планираната нова авиолинија меѓу Скопје и Крф, која требаше да почне на почетокот на јуни, објави „EX-YU Aviation“. Летовите требаше да се одвиваат двапати неделно во вторник и сабота.
Според ревидираниот распоред, „Aegean Airlines“ се чини дека целосно ги откажува двата неделни лета и во тие денови повеќе нема да ги има и летовите меѓу Атина и Скопје. Со ваквите развој на настаните, сообраќајот меѓу двата главни града ќе биде намален на пет лета неделно, почнувајќи од 4 јуни.
На 2-ри април годинава беше објавено дека со авиони АТР-72, „Aegean Airlines“ преку регионалниот бренд „Olympic Air“ да лета двапати неделно, вторник и сабота од македонската престолнина до популарната туристичка дестинација во Јонското море.
На веб сајтот на „Aegean airlines“ првично беше објавено дека можат да се купат карти за овој лет, со почетна цена од околу 130 евра за еден правец. Планот беше овој лет да биде одржуван до 28 септември.
Фото: ЕПА
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
