Јахоски истовремено стана директор и на „Пуцко Петрол“ и на „Пацифик Петролеум“
Објавено во: Економија 11 Август, 2025 07:50
Асмедин Јахоски, директорот кој го води фамилијарниот бизнис на Пуцко Петроол, од минатата недела е управител и на компанијата Пацифик Петролеум на Ерџан Сулкоски од Кичево.. Ова значи дека семејството Јахоски, како сопственици на третиот најголем нафтен бизнис во земјата, повеќе не го ни кријат партнерството со Сулкоски.
Јахоски е именуван и за одговорно лице за складот за трговија на големо со горива во Ижиште, Македнски Брод, кој што Пуцко Петрлол му го даде формално под закуп на Пацифик Петролеум за да може Сулкоски во 2022 како нов бизнис партнер на Ратко Капушевски во РКМ да му продава мазут на ТЕЦ Негтино во енергетската криза во вредност од стотици милиони евра.
Сопственикот на Пуцко Петрол, Асмир Јахоски, во мај за овој случај излезе од притвор откако апелациониот суд на затворена седница одлучи да ја уважи неговата жалба и да ја прифати гаранцијата од нешто над два милиони евра која тој и неговиот адвокат од претходно му ја понудија на Обвинителството. Апелација прифати Јахоски да биде пуштен во домашен притвор со прифаќање на гаранцијата од 986.540 евра, со ставање на хипотека на недвижен имот во корист на државата и со дополнителна сума од 72 милиони денари, која треба да биде исплатена во кеш.
Од Апелација информираа и дека на Јахоски му се одредени мерки на претпазливост и дека му е одземен пасошот. Асмир Јахоски е еден од 13-те осомничени во истрагата за сомнителните тендери за набавка на мазут вредни 167 милиони евра за ТЕЦ Неготино, а која беше отворена во 2023 година.
Со истрагата се опфатени и сопствениците на РКМ, притворените Ратко Капушевски и Ерџан Сулкоски, како и избеганиот поранешен директор на ЕСМ Васко Ковачевски. Истрагата е поради злоупотреби со набавките вредни над 160 милиони евра и е отворена во првата половина на март. Обвинителството чекаше во Скопје да бидат истовремено осомничените Капушевски кој често престојувал во Дубаи и Јахоски кои често бил во Турција за да ја стартува истата истрага.
Сулкоски со Пацифик Петрлеум е активен на пазарот со товарен транспорт и располага со лиценца за вршење на јавен превоз на стоки, како и одобрение за транспорт на опасни материи, меѓу кои се и Еуросупер БС-95, Еуросупер БС-98, еуродизел БС, екстра лесно масло и течен нафтен гас (ТНГ).
Неговата фирма во 2024 оствари приходи од 2,3 милиони евра, а со РКМ, каде што Сулкоски има доминантен удел, забележа продажба од само 6 милиони евра.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
