Јанева го презема „Монструм“ - каде продолжува постапката?
Објавено во: Македонија 21 Март, 2018
Специјалното јавно обвинителство воспостави надлежност за предметот „Монструм" за петкратното убиство кај Смилковско Езеро.
Специјалната обвинителка, Катица Јанева денеска кажа дека за следното рочиште закажано за 17 април, СЈО ќе биде подготвено за презентирање на предметот пред судот. Постапката продолжува во фазата во која се наоѓа предметот, додаде Јанева.
Петкратното убиство кај Смилковско Езеро се случи во 2012 година, кога беа убиени четири млади момчиња и еден рибар.
Премиерот Зоран Заев пред повеќе од една година ги предаде доказите односно „бомбите“ во СЈО.
Врховниот суд донесе одлука предметот да го врати на повторено и да им го укине притворот на обвинетите.
Сега, обвинетите Хаки Азири, Агим Исмаиловиќ, Сами Љута и Фејзи Азири доаѓаат на судење без полициска придружба.