Jанко Медја првиот човек на НЛБ–Словенија даде оставка: „Банката ја оставам во добра форма“

Добивај вести на Viber

Претседателот на УО на НЛБ Јанко Медја во петокот даде оставка, година и пол дена пред крајот на својот редовен петгодишен мандат, а на тоа место ќе го замени досегашниот член на управата Блаж Броднјак, потврди најголемата словенечка банка која е во 100 процентна сопственост на државата.

За неговата оставка се нагаѓаше веќе подолго време, и се тврдеше дека ќе биде сменет следната недела, после планирани промени во управниот одбор на банката. Неофицијално, причината на смената се различните погледи на Медја и сопственикот на банката на нејзиното работење и модел на идна приватизација.

Банката според барањата на Европската комисија до крајот на 2017 трееба да се приватизира.

Банката владата ја дефинирала како стратешка инвестиција, па во неа државата ќе задржи 25 процентен сопствен удел плус една „златна“ акција.

„Банката ја напуштам во стабилна состојба, одлични резултати и добри трендови“, рекол Медја поднесувајќи оставка.

Откако државата ја докапитализирала и надоместила загуби поради лошите кредитни пласмани на НЛБ во последните две години, прв пат после низа загуби започнати во 2008 година, повторно работеше позитивно, а лани по првите оценки имала 62 милиони евра добивка.