ЈАПОНСКА ХИГИЕНА: Би можеле да јадеме од подот
Објавено во: Спорт 26 Ноември, 2022
Сликите од соблекувалната и трибините кои Јапонците ги оставија во беспрекорна состојба, како што тоа го правеа и пред четири години во Русија, предизвикуваат восхит на социјалните мрежи и на ова Светско првенство во Катар, пишува францускиот весник Паризиен.
Осврнувајќи се на беспрекорната хигиена која зад себе ја оставаат јапонските фудбалери и навивачи, весникот истакнува дека тоа може да се објасни со културни и верски причини.
ФИФА објави на својот Твитер профил фотографија која сведочи за хигиената во јапонската соблекувална по дуелот против Германија на стадионот „Калифа“ во Доха.
-Би можеле слободно да јадеме од подот кој сјае без најмала тронка нечистотија. Столиците и клупите се беспрекорно чисти, внимателно здиплени пешкири на еден стол, понекое дискретно оригами и зборови благодарност, пренесува Паризиен, кој како и сите медиуми во Франција будно го следи Мундијалот во Катар на кој Триколорите ја бранат светската титула од пред четири години во Русија.
ФОТО: ФИФА
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
