ЈАПОНСКИОТ ГИГАНТ ПЛАНИРА ГОЛЕМ РЕЗ - Нисан ќе го продаде седиштето, ќе отпушти 15 проценти од вработените

Добивај вести на Viber

Јапонскиот производител на автомобили Нисан во вторникот соопшти дека го продава своето седиште во Јокохама за околу 540 милиони евра.

Нисан, исто така, објави загуба од 1,2 милијарди евра во првите два квартала, без прогноза за нето добивка за целата фискална година.

Компанијата објави добивка од околу 100 милиони евра во истиот период минатата година.

„Овој потег одразува дисциплиниран пристап кон капиталната ефикасност, активирање на вредноста од неосновните средства за поддршка на трансформацијата во текот на предизвикувачките години“, се вели во соопштението на компанијата за продажбата.

Нисан соопшти дека отпушта 15 проценти од својата работна сила, или 20.000 работници низ целиот свет, и ја затвора својата главна фабрика во Јапонија.

Сите јапонски производители на автомобили ги трпат последиците од царините на американскиот претседател Доналд Трамп.

Нисан се бори да се врати на профитабилност откако објави загуба од речиси четири милијарди евра во фискалната година што завршува во март.

Оттогаш, продажбата на „Нисан“ се намали за речиси седум проценти на 31 милијарда евра (36,1 милијарди долари) до септември.

Nissan sells, leases back headquarters in $643 million deal https://t.co/BInECXCSOn https://t.co/BInECXCSOn

— Reuters (@Reuters) November 6, 2025

Глобалната продажба на возила на „Нисан“ во првата половина од годината се намали, особено во Јапонија, но продажбата во Кина и САД се подобрува.

Компанијата вели дека се работи на нови модели и се очекува дека ќе ја зголемат продажбата.

Новиот извршен директор на компанијата, Иван Еспиноза, кој ја презеде функцијата на почетокот на годината, рече дека „Нисан“ ќе се фокусира на закрепнување во наредниот период.