Јовановиќ: Со субвенционирање на платите легализирате криминал
Објавено во: Економија 17 Септември, 2019
Со субвенционирањето на придонесите за зголемување на платите, легализирате криминал, рече во телевизиската дебата на Телевизија 24, синоќа Бранимир Јовановиќ, советникот на поранешниот министер за финансии Драган Тевдовски. Јовановиќ кој повеќе не е ангажиран во Министерството за финансии прво рече дека има чувство дека вицепремиерот Кочо Анѓушев кој бил повикан во емисијата не дошол поради него во студиото. Рече дека оваа мерка ја барало стопанството и додека тој бил во институцијата но дека тие не „попуштиле“.
„Дали економијата има капацитет да исплаќа поголеми плати. Без дилема да, затоа што македонската економија е една од најпрофитабилните економии во Европа. Затоа компаниите може да се откажат од дел од профитите за да исплатат поголема плата. Сепак, оваа мерка е неодговорно трошење на народните пари. Ќе се потрошат 120 милиони евра на легализирање на своевиден криминал затоа што компаниите исплаќаат пари во плико што е казниво дело и вие со овие субвенции ќе го легализирате тоа, рече Јовановиќ.
Вели дека мерката треба да е таргетирана и условена, односно да не се однесува на најпрофитабилните компании и на тие кои исплатуваат плати околу просекот.