ЈСП ќе купува 50 снимачи за да ја зголеми безбедноста во автобусите

Добивај вести на Viber

Со засилени контроли во автобусите и вистински видеонадзор, Јавното сообраќајно претпријатие од Скопје ќе ја зголемува безбедноста на патниците. Според раководството, ќе се вработат уште четворица контролорикои ќе се грижат за безбедноста во автобусите на проблематичните линии каде што се случуваат инциденти, како оној пред неколку дена во автобусот со број 56 кога повредени од непознати, маскирани лица беа осум деца. Од ЈСП најавија дека ќе набават и 50 снимачи наменети за камерите во автобусите, кои досега не снимаа, туку само пренесуваа слика до возачите. „Во тек е процедурата за набавка на снимачи со кои ќе можеме да ги утврдиме сторителите на инциденти. Ние имаме постапка за набавка на 50 снимачи, кои ќе бидат поставени во автобусите на понебезбедните линии. Снимачите ќе ги купуваме неколку години, бидејќи тоа е финансиски товар“, појасни директорот на ЈСП, Мишо Николов.