Каја Калас: Ова е еден од најсилните пакети санкции на Европската Унија против Русија

Добивај вести на Viber

Европската Унија постигна договор за 18-тиот пакет санкции против Русија, кој предвидува низа мерки насочени против руската нафтена и енергетска индустрија, објави високата претставничка на ЕУ за надворешна политика и безбедност, Каја Калас.

Таа напиша на Платформа X дека ЕУ штотуку одобрила еден од своите најсилни пакети санкции против Русија досега. Калас изјави дека целта на санкциите е запирањето на агресијата врз Украина да биде единствениот начин за Русија.

Минатиот месец, Европската комисија предложи 18-ти пакет санкции против Русија поради нејзината инвазија на Украина во 2022 година, насочени кон приходите од енергија на Москва, банките и воената индустрија.

We are standing firm.

The EU just approved one of its strongest sanctions package against Russia to date.

We’re cutting the Kremlin’s war budget further, going after 105 more shadow fleet ships, their enablers, and limiting Russian banks’ access to funding. (1/3)

— Kaja Kallas (@kajakallas) July 18, 2025

Предложениот пакет вклучуваше променливо ограничување на цената на руската нафта на 15 проценти под просечната пазарна цена на суровата нафта во претходните три месеци, изјавија претходно дипломати од ЕУ. Предлогот, исто така, забранува трансакции со руските гасоводи „Северен тек“, а забраната се однесува и на банките вклучени во заобиколување на санкциите.

Словачка досега неколку пати стави вето на пакетот, обидувајќи се да добие отстапки за посебен план за постепено укинување на руската нафта и гас, кој, за разлика од санкциите, не бара едногласна поддршка од земјите на ЕУ.

Сепак, премиерот на таа земја, Роберт Фицо, синоќа изјави дека Словачка денес ќе престане да го блокира усвојувањето на 18-от пакет санкции на Европската унија против Русија, бидејќи, како што изјави, тоа би било контрапродуктивно во моментов.

Малта претходно изрази резерви во врска со предложеното ограничување на цената на руската нафта, но владата на земјата, според европските дипломати, денес објави дека ќе ги поддржи новите санкции.

Фото: Притнскрин/Икс