Како да се “ценкате”

Добивај вести на Viber

Ако имате прилика да отпатувате во Турција, сите ќе ве советуваат обавезно да го пробате кафето и турскиот локум, но и да се обидете да се "ценкате" со продавачите. Големиот пазар е главното место за сите љубители на шопингот. Што е потребно да знаете пред да купувате од земја кадешто ценкањето е дел од традицијата? 1. Морате да бидете соодветно облечени. Најновиот модел на Nike AirMax, новиот мобилен телефон или Police наочари нема да ви помогнат да добиете роба по пристапна цена. Вашиот изглед на продавачот му зборува за вашата моќ на купување, а сигурно нема да ви ја спушти цената доколку процени дека имате многу пари. 2. Секогаш започнете го ценкањето со сума која изнесува 50-60% од цената за која навистина сте спремни да платите. Тие ќе се обидат да ја подигнат цената, па ќе се најдете на средина. 3. Помладите купувачи секогаш добиват пониска цена од постарите. 4. Најдобро е да купувате рано наутро, бидејќи и нивните, како и многу трговци во Македонија сакаат денот да го започнат со продажба, односно првиот кој ќе влезе во нивната продавница да не излезе со празни раце, па макар тоа да биде и по многу ниска цена. 5. Не купувајте од првото место. Прашајте која е цената до која се спремни да спуштат, а потоа речете дека ќе погледнете наоколу и потоа ќе одлучите. 6. Бидете насмеани и комуникативни. Пофалете ја нивната одлична понуда, љубезноста.. тие тоа го ценат и токму поради тоа можете да добиете намалена цена. 7. Никогаш не се воодушевувајте од производот кој сакате да го купите. Секогаш глумете дека купувате подарок и сеедно ви е дали тоа ќе биде токму тој производ. Тогаш шансата да ви ја спуштат цената е многу поголема. 8. Ако сакате да ја намалите цената на некој производ, слободно кажете му на продавачот дека другиот ден патувате за дома и дека не ви останале уште многу пари. Можете пријатно да се изненадите колку се спремни да попуштат. На некои туристи ценкањето им е непријатно, а други уживаат во бескрајното убедување со продавачите. Затоа, најдобро е да го сфатите како дел од источната култура и едноставно да го прифатите нивниот обичај. Така што, кога вашиот пат ќе ве однесе на големиот пазар, парите во рака, насмевката на лице и купувањето може да започне на поинтересен начин.