Како Глигорие Гоговски од „Тетекс“ направи економски чудо? Добивката е поголема од приходите од продажба!
Објавено во: Економија 13 Мај, 2022 08:09
Некогашниот текстилен гигант „Тетекс“ е економско чудо! Консолидираниот биланс покажа дека Глигорие Гоговски држи лекции за профитабилност. “Тетекс“ за еден квартал има профит од 225.000 евра на приходи од продажба вредни 186.000 евра... се ова е резултат на квалитетни навремени инвестиции
Нема зима за некогашниот текстилен гигант „Тетекс“ од Тетово. Консолидираниот биланс покажува дека компанијата остварила нето добивка од 225.000 евра за 90 дена работење. Тоа е за 70 отсто подобар резултат од истиот период минатата година.
Фасцинантно е тоа што приходите од продажба се помали од добивката. Дури може да се каже дека Глигорие Гоговски во овој квартал излезе поуспешен портфолио-менаџер од Доне Таневски, најголемиот угостител во земјава и успешен инвеститор на домашниот пазар на капитал.
Каде е тајната формула на Глигорие Гоговски?
Одговорот е во навремените и квалитетни инвестициски одлуки на тимот што со децении раководи со комбинатот „Тетекс“. Тие направија успешна транзиција со тоа што на време ги алоцираа важните ресурси кои обезбедија долгорочна одржливост на друштвото. По тоа направија оптимизација на трошоците во работењето на „Тетекс“ и од некогашниот текстилен гигант направија фирма со добар инвестициски портфељ која го намали оперативното работење и го постави така да секогаш може да се покрие и да биде најмалку на позитивна „нула“. Сега „Тетекс“ од финансиски приходи или поточно од удел во добивката на придружени друштва (н.з. фирми ќерки) доби 210.000 евра за еден квартал. А допрва ќе стигне и добивката од акциите на „Тетекс“ во ТТК Банка.
При тоа за комплетна слика е вредно да се истакне и тоа што финансиските приходи на ова друштво се за 70 отсто повисоки во споредба со првиот квартал 2021 година.
„Тетекс“ е на добар глас и кај инвеститорската заедница во земјава. Неговиот рејтинг добро го држи дивидендната политика која има континуитет и секоја година компанијата ги наградува своите акционери. Повеќе детали за „финансиската крвна слика“ на „Тетекс“ на следниот линк https://mse.mk/mk/issuer/teteks-ad-tetovo/
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Нема веќе одење во Царинската управа по потврди за царински долг, Централниот регистар со еден клик ги гледа електронски
Над 40 авто-школи под надзор на Комисијата за заштита на конкуренцијата поради сомнежи за усогласено однесување
ВО ЗЕМЈАВА ИМА 80 ИЛЈАДИ АКТИВНИ КОМПАНИИ: Расте бројот на отворени бизниси
ДОМА, ВО РЕСТОРАН ИЛИ НА ПАТУВАЊЕ: Колку пари планираат да потрошат граѓаните за Нова година?
Ќе се изгради ли конечно „вечниот“ далновод со Албанија? Се пријави „Далековод“, не се знае колку пари се потрошени досега
ЌЕ СЕ ОЛЕСНУВА ПРОЦЕСОТ ЗА ЕКСПРОПРИЈАЦИЈА – се менува законот, се планира „привремено заземање на земјиште“
Ненајавена рација во европските канцеларии на „Тему“
ВО КОМПАНИЈА ВО МАКЕДОНИЈА Е ВОВЕДЕНА ЧЕТИРИДНЕВНА РАБОТНА НЕДЕЛА: Професорот Јовевски вели ќе мора да се скрати и работното време
