Добивај вести на Viber
Со цел да остават подобар впечаток на своите деловни партнери, Кинезите развија посебна деловна тактика. Тие бараат белци кои ќе работат како директори во нивните фирми.
Главните услови за вработување се многу едноставни: да не сте Кинез, да не зборувате кинески јазик (само во случај ако некој нешто ве праша) , да лажете дека петходниот ден со авион сте пристигнале во Кина и добро да изгледате во одело, пишува порталот
odditycentral.com.
Оние кои обично ја добиваат оваа работа, се модели, актери или професори по англиски јазик, а нивните работни места се викаат White Guy Window Dressing, The Token White Guy Gig или Face Job. Оваа нова работа во Кина е доста популарна. Постојат специјализирани компании кои им помагаат на другите фирми да го поправат својот имиџ со ангажирање на „лажни ‘‘партнери белци.
Авторот на книгата „Мисли како кинез‘‘ од
Zhang Haihua тоа вака го опишал:„Лицето ,како што кажуваме ние Кинезите , е поважно и од самиот живот‘‘.
Многу Кинези заради развиеноста на Западот, веруваат дека доколку една фирма може да ангажира белец, таа сигурно е богата и има добри врски со странство.
Jonathan Zatkin , глумец од Америка , кој живее во Пекинг, кажува за CNN дека пред три години бил платен 2000 јени да оди во град, во провинцијата Хенан и да глуми дека е директор на една фирма. Таму бил со градоначалникот , а држел и говор.
Но оваа работа знае да биде и опасна. Пекингшката полиција му затропала на вратата на еден белец откако фирмата каде што тој работел успеала да извлече милиони од своите клиенти , а потоа го насочила него како главен виновник , односно како директор на фирмата.