28 Ноември, 2020
0.0230

Како ќе тера „Силекс“ без Ѕинго?

Објавено во: Економија 20 Ноември, 2020

Ѕинго беше прв човек на „Силекс“ четириесет години, во континуитет. Холдингот „Силекс“ го остави со добивка поголема од половина милион евра на крајот од третиот квартал годинава

„Силекс“ во првите девет месеци годинава оствари добивка повисока од половина милион евра и тоа финансискиот резултат со кој, од друштвото што го изгради, се прости еден од доајените на современа македонска економија Љубисав Иванов – Ѕинго.

Во првите девет месеци консолидираните извештаи на „Силекс“ покажуваат дека приходите од продажба се на исто ниво како и истиот период лани што е резултат за почит во услови на ограничувањата кои на бизнисот глобано му ги приреди корона кризата. Тие изнесуваат 5,8 милиони евра.

Резултатот на „Силекс“ во кој се обединети податоците од основната дејност : рударство и вадење камен, но и неколку други дејности вклучително националната телевизија „Сител“ и фудбалскиот прволигаш „Силекс“ (кој годинава од излегувањето во еврокуповите оствари солиден девизен прилив н.з.) се неспоредливо подобри од лани кога за истиот период групата била во загуба од 254.000 евра.

На домашниот пазар друштвата оствариле приход од 3,1 милиони евра, а на странските пазари се продадени добра и услуги во износ од 2,7 милиони евра. Продажбата на домашниот пазар во споредба со истиот период лани пораснала за 554.000 евра, а продажбата на странските пазари се намалила за 5455.000 евра. Од останати приходи групата остварила 515.000 евра што е за 60 отсто помалку од лани. 

Клучен фактор за добивката се намалените оперативнит трошоци. Имено за првите девет месеци тие изнесуваат 5,79 милиони евра. Намалени се двете најголеми трошковни ставки и тоа: трошоците за суровини и материјали за 16 отсто и останатите трошоци од работењето за 68 отсто. Единствено зголемување има кај трошоците за вработени кои се зголемени за 185.000 евра до износ од 1,3 милиони евра.

Најголеми акционери во „Силекс“ до сега беа Љубисав Иванов – Ѕинго кој поседуваше 54,3 отсто од акциите и неговиот син Горан Ивановски кој поседува 9,5 отсто од управувачките права. Уште 587 домашни физички лица поседуваат околу 35 од правата на глас.

Љубисав Иванов – Ѕинго до својата смрт беше на функцијата претседател на Управниот одбор на „Силекс“. Ѕинго управувал со „Силекс“ 40 години, а бил пратеник во македонскиот парламент, без прекини, од независноста на земјава во 1991 година па се 2011 година. Воедно бил претседател на Социјалистичката партија на Македонија од 1995 година до крај на неговиот живот, а во два мандати бил и претседател на Фудбалската федерација на Македонија.

Р.Ф.

Можеби ќе ве интересира

Балканска земја влезе во рецесија

Балканска земја влезе во рецесија

Huawei и 5Г во Германија, што се случува?

Huawei и 5Г во Германија, што се случува?

Интервју Спировска: ПроКредит Банка со право ја ужива довербата на банка партнер на бизнисот

Интервју Спировска: ПроКредит Банка со право ја ужива довербата на банка партнер на бизнисот

АД ЕСМ досега набави струја од 3,43 милиони евра од странство поради сушата

АД ЕСМ досега набави струја од 3,43 милиони евра од странство поради сушата

Интервју Станчев: Дигиталните алатки го менуваат корисничкото искуство

Интервју Станчев: Дигиталните алатки го менуваат корисничкото искуство

Како добивката на „Фабрика Карпош“ порасна за 8 пати?

Како добивката на „Фабрика Карпош“ порасна за 8 пати?

Само пет милиони евра до летото за автопатот Кичево - Охрид

Само пет милиони евра до летото за автопатот Кичево - Охрид

Реализирана работна средба со раководството на Европската бизнис асоцијација - соработка за промовирање на европските вредности во македонското стопанство

Реализирана работна средба со раководството на Европската бизнис асоцијација - соработка за промовирање на европските вредности во македонското стопанство

Куштрим Рамадани, потпреседателот на Регулаторна си поднесе оставка: Добива ли ново директорско место?

Куштрим Рамадани, потпреседателот на Регулаторна си поднесе оставка: Добива ли ново директорско место?