Како може да докажете отсуство од работа поради новите препораки од властите поради коронавирусот
Објавено во: Македонија, Корона Вирус 11 Март, 2020
Градинките и основните училишта ќе издаваат потврди кои ќе им служат на родителите на работа да го докажат отсуството.
Ова денеска го соопштија од министерството за труд и социјална политика по нејаснотиите кои се појавија кај родителите откако вчера здравствените власти препорачаа, а власта прифати препораки со кои се затворија градинките и училиштата во период од 14 дена а со кои се ослободува од работни обврски едниот родител на деца до 10 годишна возраст .
МТСП меѓу другото денеска повика и работниците и работодавците да се придржуваат до препораките на Владата а доколку има било какви непочитувања или злоупотреби истите да се пријават на 151 31.
Потврдите, како што се наведува ќе треба да бидат доставени до Секторот за управување со човечки ресурси или раководителот/директорот на институцијата/компанијата во која работи, до терминот за пресметка на следната плата.
По ист принцип потврди за отсуство од работа треба да достават и родителите на децата-лицата со попреченост бидејќи ослободувањето од работа е проширено и на нив за деца и млади и над 10-годишна возраст.