Како нагази „Халк банка“?

Добивај вести на Viber

Најмладата банка во големата петорка македонски деловни банки лани успеала да оствари најголем раст на кредитното порфолио и најголем раст на активата во големата конкуренција, но и воопшто на македонскиот пазар

„Халк банка“ најбрзо го зголемува своето пазарно учество на кредитниот пазар во земјава во конкуренција на најголемите пет банки, покажуваат официјалните статистички податоци за банкарскиот пазар во земјава.

Во конкуренција на гигантите „Комерцијална банка“, „Стопанска банка Скопје“ и НЛБ Банка“ и конкурентот „Охридска банка“ „Халк банка“ оствари убедливо највисок раст на кредитното портфолио. Тоа на крајот на 2019 година достигна 619,85 милиони евра и е за 12 отсто повисоко од претходната година. Во апсолутен износ кредитното портфолио на „Халкбанка“ порасна за 66,5 милиони евра во период од крајот на 2018 година до крајот на 2019 година и тоа е најголем раст на износ на кредитирање во конкуренција на 15 банки на македонскиот пазар.

Освен во кредитирањето во конкуренцијата на најголемите банки „Халкбанка“ има најголем раст на активата. Податоците покажуваат дека во период од една година активата на оваа банка пораснала за 166 милиони евра и таа изнесува 933,5 милиони евра на крајот на минатата година.

Ранг листа според раст на кредитни пласмани во 2019 година

Ранг листа според големина и раст на актива на големите 5 банки (во милиони евра)