Како неколкумина измамници ќе го урнеа банкарскиот систем на Бугарија?

Добивај вести на Viber

Еден 30-годишен маж на бугарската полиција и ги открил плановите на организираната криминална група која имала намера да го урне банкарскиот систем во земјата. Тој од негов пријател бил додаден во интернет „чет“ разговор меѓу 50-тина лица кои планирале напад врз банките. Лицето многу брзо прочитало што се подготвува, но се исплашил и веднаш ја напуштил групата. Исплашен од тоа што го прочитал, решил да ги извести бугарските полициски служби за нападот што се подготвувал. Тие сериозно го сфатиле предупредувањето, но истото било многу непотполно, затоа што човекот многу брзо го напуштил разговорот и не запаметил клучни детали. Во петокот од Првата инвестициска банка во Бугарија беа повлечени 800 милиони евра (околу 400 милиони евра), што е апсолутен рекорд за една финансиска институција во Бугарија. Заговорниците имале добри познавања од информатичка технологија. Се организирале на социјалните мрежи и споделувале соопштенија и коментари за пропаст на банките. Бугарските служби дури имаат и точни информации од видео-камерите, дека едни исти лица застанувале во редици на различни филијали на Првата инвестициска банка, иако не поседувале сметки во банката, само за да прават гужва и да создаваат паника. Кога ќе им дојдел ред, само прашувале колкава е каматата и кога можат да си отворат банкарска сметка. Неколкумина од нив истото го направиле во повеќе филијали. Безбедносните служби сметаат дека во целата операција учествувале и два интернет сајта, од кои едниот е за сензационалистички информации. За да ја разоткрие целата мрежа, бугарската полиција отвори посебна линија на која од граѓаните добиле информации дека на нивните телефони добивале СМС пораки, а на електронската пошта - писма со предупредувања за состојбата во банките. Зад целата шема стоел еден инвестициски посредник. БУГАРИЈА: Лидерска средба за партиите да ја гарантираат стабилноста на банките