Како пресуди судот за Ивона Талевска?
Објавено во: Македонија 19 Февруари, 2018
Основниот суд Скопје 1 ја осуди на условна казна уредничката на ТВ Сител, Ивона Талевска за случајот „Тифани“. Таа нема да помине две години во затвор, доколку во наредните четири не стори ново кривично дело.
Наместо ефективна казна затвор судот се одлучил за алтернативна мерка, условна осуда за Талевска заради нејзиното добро поведение и фактот што Талевска признала вина за даночното затајување. Со пресудата на Основниот суд обвинетата во рок од еден месец треба да плати казна во висина од 1.000 евра, делот за трошоците за вештачењето, а во период од една година треба да го надомести затаениот данок, односно сумата која Специјалното јавно обвинителство ја прецизираше во обвинението.
СЈО по изрекување на пресудата нагласи дека се задоволни од признанието на вина, а за поднесување жалба на одлуката на која имаат право само во делот на висината на казната.
Од СЈО рекоа дека прво ќе почекаат да добијат писмен примерок од изречената пресуда.
Читајте уште