„Како се поврзани подарокот на Јанушев од 325.000 евра и имотот на министерот Тошковски?“: СДСМ со нови докази
Објавено во: Македонија 23 Јули, 2024
Претставниците од опозициската СДСМ не се откажуваат од барањата за поголема транспарентност и објаснување околу имото на владиониот генерален секретар Игор Јанушев.
Денеска со нова реакција се јави портпаролката на СДСМ, Богданка Кузеска, која потенцираше дека скандалот со подарокот од 325.000 евра за герералниот секретар на Владата, Игор Јанушев добива нови димензии.
- Денес објавуваме нови информации и детали со документи кои треба да ги истражат надлежните институции, Јавното обвинителство и Државната комисија за спречување корупција. Погледнете ја оваа фотографија.
Фамозниот имот кој бил поклонет на Јанушев, вреден 325.000 евра е составен дел оваа зграда, во најстрогиот дел од Центарот на Скопје.
Она што е особено интересно е дека имот во оваа зграда, покрај Јанушев, има и министерот за внатрешни работи, Панче Тошковски. Еве го неговиот имотен лист - кажа Кузеска на пресконференцијата на која сподели фотографија од имотот за кој тврди дека е на Јанушев.
Потоа Кузеска истакна дека министерот за внатрешни работи, Тошковски во зградата „која е дел од шемата за поклонетиот имот на Јанушев има имот од над 200 квадрати, стан од 146 метри кавдратни и деловни простории од 46 метри квадратни“.
- Вкупната пазарна вредност на овој имот е над 400.000 евра - истакна Кузеска.
Потоа посочи дека „овој случај ужасно потсетува на една друга зграда, каде порано имаа станови неколку високи функционери на ВМРО-ДПМНЕ кои беа стекнати на многу сомнителен начин“.
- Ги прашуваме Тошковски и ДКСК, пријавен ли е овој имот во анкетниот лист? Зошто неговиот анкетен лист не е достапен за јавноста?
Клучно и најважно прашање: како се поврзани подарокот на Јанушев од 325.000 евра и имотот на министерот Тошковски? Каков заеднички бизнис имале овие двајца? Дали преку шема на давање подароци овие двајца прикриваат некаква бизнис зделка која јавноста не треба да ја знае? Имаат ли скриени бизниси кои на крај завршуваат со подароци во имоти вредни над 300 илјади евра?
Јавноста знае дека Јанушев е веќе осуден криминалец во случајнот со 5 милиони евра за кинеските автубуси за ЈСП.
Јавноста очекува одговори. Јанушев се криеше пет дена пред да каже за поклонот, ова може да е јасен сигнал дека се обидува да прикрие нешто во овој случај.
СДСМ ќе продолжи да ги објавува сите информации со кои располага. Се додека не започнат истраги, се додека не се дозане целата вистина - истакна на прес конференцијата Кузеска од СДСМ.
Фото: Принтскрин/СДСМ
Можеби ќе ве интересира
„Останете така. ОЈО има работа. А, вие продолжете да измислувате“: Јанушев со остра реакција, и Тошковски негира поврзаност со обвинувањата од СДСМ
ВЛАДАТА БАРА КАНДИДАТ ЗА ЧЛЕН ВО РКЕ: платата нема да биде за потценување, еве кои услови мора да се исполнат
САМО ДВАЈЦА ПРАТЕНИЦИ ОД СДСМ ПРИЈАВЕНИ ДА ДИСКУТИРААТ ЗА ЗАМЕНИЦИТЕ МИНИСТРИ - денеска е точката за избор, опозицијата нема забелешки?
„ГЛЕДАМ КАКО РОДИТЕЛИ ЗАРАБОТУВААТ НА СВОИТЕ БОЛНИ ДЕЦА, НА ОДМОРИ ОДАТ СО ПАРИ МОЛЕНИ ЗА ЗДРАВЈЕТО НА ДЕТЕ“: Д-р Лазаров со апел, да не се донира на лични сметки
„КОНСТАТИРАН Е ХАОС И НЕГРИЖА ОД ПРЕТХОДНОТО РАКОВОДСТВО“: Тошковски вели работењето во управните служби треба да стане престиж
ЗАЕМ ОД 26,4 МИЛИОНИ ЕВРА ОД ЕБОР ЗА ЗАЈАКНУВАЊЕ НА МРЕЖАТА: ќе добиеме и грант од 7,6 милиони евра, еве ги деталите
СО ПОЖАРИТЕ НЕ Е ЛЕСНО: Повреден командирот на штипската Територијална Противпожарна единица при гаснење на пожар
„ДАЛИ МУЦУНСКИ, ТОШКОВСКИ И МИСАЈЛОВСКИ ИСТО ТАКА ИМААТ ПРОБЛЕМИ СО КОЛЕНАТА“ - СДСМ прашува и дали премиерот Мицкоски го нема тој проблем кога се качува на Водно
ВИДЕО: ДЕЈСТВО ОД ЗЕМЈА И ОД ВОЗДУХ СО ЕДЕН ХЕЛИКОПТЕР КАЈ ЈАСЕН: Се водат битки со огнот
