Каква е состојбата со превезени патници во второто тримесечје?

Добивај вести на Viber

Во второто тримесечје од 2016 година бројот на превезени патници е намален споредбено со лани.

Во однос на  истиот период лани бројот на превезените патници во градскиот превоз е намален за 4.1%, во приградскиот превоз за 1.3%, во меѓуградскиот превоз за 2.4%, а во меѓународниот превоз намалувањето изнесува 8.8%. Ова го покажуваат податоците на Државниот завод за статистика.

Во однос на првото тримесечје од 2016 година, бројот на превезените патници во градскиот превоз е зголемен за 5.1%, во приградскиот превоз за 12.5%, во меѓуградскиот превоз за 7.5%, додека во меѓународниот превоз зголемувањето изнесува 17.2%.

Во второто тримесечје од 2016 година, во однос на истиот период од 2015 година, бројот на патничките километри во градскиот превоз е намален за 3.5%, во приградскиот превоз за 12.9%, додека во меѓуградскиот превоз намалувањето изнесува 6.5%, а во меѓународниот превоз 33.8%.

Од меѓуградскиот превоз најголем дел или 63.8% отпаѓаат на редовен транспорт, ученици и работници учествуваат со 32.1%, на друг слободен превоз отпаѓа 1.6%, туристичките тури сочинуваат 2% и екскурзии 0.5%.

Во однос на првото тримесечје од 2016 година, бројот на патничките километри во градскиот превоз е намален за 9.1%, во приградскиот превоз за 2.7%, во меѓуградскиот превоз зголемувањето изнесува 8.8%, а во меѓународниот превоз 2.9%.