Каква одлука ќе донесе судот за Мукоски и Василевски?
Објавено во: Македонија 20 Март, 2018
На јавна судница, денес во Врховниот суд ќе се одлучува за притворите на обвинетите од настаните во Собранието на Република Македонија од 27 април.
Судот треба да се изјасни дали ќе биде потребно продолжување на притворот на пратениците Крсто Мукоски и Сашо Василевски.
Тие се дел од 35-те осомничени за терористичко загрозување на уставниот поредок и безбедноста. Меѓу нив е и поранешниот министер на МВР, Митко Чавков.
Од Основното јавно обвинителство за организиран криминал и корупција соопштија дека истрагата за случувањата во Собранието лани завршила и дека течат законските рокови во кои осомничените и одбраната можат да ги прегледуваат списите и доказите.