Канабисот легален, трка на компаниите за новата бизнис гранка
Објавено во: Свет 22 Ноември, 2012
По децении на борба против канабисот, почна зелена грозница во САД, во која компаниите буквално се тркаат која прва ќе ја почне новата бизнис гранка.
Волстрит ја поддржа легализацијата на канабис во Вашингтон и Колорадо, каде гласачите на референдум изгласаа дозволено поседување на 28,5 грама канабис. Компанијата Медбокс производител на автомати за медицинска марихуана во Калифорнија, расте од ден на ден, а изминатата недела вредноста на акциите и скокнаа за дури 3.500 отсто со препорака од Волстрит, пренесува Јутарњи лист.
Брокерите порачаа дека следи зелена грозница која овој пат ќе ги збогати продавачите на лопати, а не копачите на злато. Интересно, Медбокс реагираше само неколку дена по дивеењето на берзата со предупредувања дека цената не е реална ниту се темели на деловниот успех. Освен оваа компанија, рапидно јакнат и Вед Мапс компанија за трговија на канабис, како и Грин Гро Технолоџис за опрема за хидропоника на канабис.