Нафтоводот Солун-Скопје се отвора до крајот на годината, Хеленик Петролеум ќе ја реинвестира оштетата

Добивај вести на Viber

Прашањето за повторно отворање на нафтоводот Солун-Скопје беше една од темите за кои се разговараше вчера за време на трипартитната средба меѓу Грција - Северна Македонија и САД за време на посетата на американскиот државен секретар Мајк Помпео.

Како што е познато, нафтоводот е затворен од 2013 година кога од страна на Хеленик Петролеум оценија дека неговото работење е непрофитабилно. Во исто време, „Хеленик петролеум“ поднесе барање против Скопје за исплата на надоместок, поради непочитување на клаузулата за откуп на енермно пропишани количини на гориво од грчката компанија во периодот 2008-2011 година.

Според информациите, Хеленик Петролеум и Северна Македонија размислуваат да најдат вонсудска формула за ставање крај на спорот, со тоа што грчката компанија има намера да ја искористи сумата што ќе ја добие за да инвестира во секторот на зелена енергија во нашата земја, објави грчки Капитал.

Во исто време, ЕЛПЕ има намера да ги искористи капацитетите на рафинерија ОКТА во Скопје со цел да создаде транзитен центар за поширокиот регион на Балканот и главно за земјите каде што има присуство на ЕЛПЕ. Забележано е дека гасоводот има должина од 213 километри додека во објектите на ОКТА има резервоари со капацитет од 350 илјади тони.

ЕЛПЕ во Македонија преку ОКТА исто така се активни во трговијата на мало со работа на 27 бензински пумпи. Бидејќи нафтоводот во моментов не работи, нафтата се транспортира со цистерна, додека заедничка тајна е дека , како што тврди Капитал, дека трговијата со нафта и деривати не е добро регулирана и контролирана, па на овој начин ќе му се објави војна на шверцот.

На вчерашниот состанок присуствуваа министерот за животна средина и енергетика Костас Хацидакис, заедно со заменик-министерот за надворешни работи, генералниот секретар за енергија,  управниот директор на ЕЛПЕ, како и претседателот на групацијата. Од македонска страна учествуваа вицепремиерите Фатмир Битиќи и Љупчо Николовски и министерот за економија Крешник Бектеши, додека САД беа претставени од министерот за надворешни работи Франсис Фејнон и американската амбасадорка во Скопје, Кејт Мари Брнз.

За време на состанокот беше одлучено да се формира заедничка работна група со цел да се најде решение за повторно отворање на гасоводот до крајот на годината.