Капиталните инвестиции во лер: Објавени податоците до март
Објавено во: Економија 25 Април, 2019
Само 6,2 отсто од капиталните расходи кои Владата ги превиде за годинава успеа да реализира за првите три месеци. Бројките за реализација на буџетот докажуваат дека и годинава продолжува катастрофалниот тренд на реализација на капиталните инвестиции или трошоците за железница, училишта, градинки, гасовод.
Од јануари до март државата потрошила за оваа намена 26,2 милиони евра. За целата година беа предвидени над 422 милиони евра.
Ако оди по ваква динамика и оваа година ќе биде исклучително лоша за капиталните расходи, исто како и минатата.
Инаку согласно податоците, реализацијата на буџетот се одвива со очекуваната динамика. Приходите се реалзиирани со над 21 процент, а вкупните расходи во трите месеци изнесуваат 801 милион евра што е 21,5 отсто од вкупно планираните.
Владата потрошила за три месеци 52 милиони евра или над 18 отсто од планираниот буџетски дефицит којза цела година треба да изнесува 288 милиони евра.