Каргов: За 10% поголема наплата на царините

Добивај вести на Viber

Во буџетот во првите четири месеци од годинава приходите од царина се за 10 проценти поголеми од планираното и оствареното во истиот период лани. -Царините во првите четири месеци од годинава се наплатени во поголем износ од планираното и оствареното во минатата година. И наплатата на акцизите во овој период е над нивото од лани и се движи на ниво над планираното“, изјави денеска Ванчо Каргов, директорот на Царинската управа на Република Македонија. Денеска во Царинската управа беше претставена Донаторската конференција на која Државниот комитет за царина на Азербејџан донира техничка опрема за Регионалниот тренинг-центар на Светската царинска организација. Македонија и Азербејџан перманентно ја унапредуваат соработката не само на политички, туку и на економски и културен план, оцени директорoт на царинската служба на Азербејџан Ајдин Алиев. -Имаме многу добра соработка меѓу двете царински служби и соработуваме на различни активности, Алиев. Азербејџанската царина донираше опрема на македонската царина. -Соработуваме на ниво на Светска царинска организација и на регионално ниво. Оваа соработка ја поттикнува и економската соработка меѓу двете земји“, рече Каргов. Ова е трета посета на делегација од Азербејџан која ќе биде искористена за промоција на културното наследство на оваа земја во Македонија.