Ќарот на „Факом“ оди за инвестиции!

Добивај вести на Viber

Компанијата Факом покажа зголемена добивка. Нето добивката во 2015 година е за 67% поголема од нето добивката во 2014 година при што приходите се зголемени за 24%, а  готовинските трошоци се зголемени за 25%. Според одлуката на акционерското собрание,  остварената нето добивка од 2.357.912 денари се распределува за инвестиции. Речиси апсолутно мнозинство во „Факом“ има оф шор фирмата „Репро Оне Лимитед“ , за која е познато од медиумите дека е регистрирана во даночниот рај Британски девствени острови. Таа фирма има 97,23 отсто од сите акции со право на глас во „Факом“.

Минчо Јорданов одврза ќесе: „Бетон“ и „Факом“ со најголеми дивиденди по акција!

„Репро Оне Лимитед“ освен во „Факом“ има акции и во „Бетон Скопје“ и таму поседува 22 отсто од акциите со право на глас, а мнозински сопственик со 75 отсто односно со 80 отсто од акциите со право на глас е во „Институт“ и КПОР компании кои се дел од системот „Рудници и Железарница“. „Репро Оне“ во земјава е сопственик и во компанијата што го купи брендот и го издава првиот дневен весник „Нова Македонија“. „Репро оне“ се поврзува и со првата приватна болница „Ре медика“  и со винаријата „Стоби“.