22 Јуни, 2018
0.4013
    ALK 8331.04    0.37%     BESK 9899    1.01%     COMA 306    0%     GRNT 848.09    2.11%     KMB 5322.64    1.79%     MPT 43620.21    5.11%     MTUR 4790.91    1.94%     OHB 6376.92    -0.37%     OKTA 4747    9.98%     POPK 15    7.14%     RMDEN16 95.5    0%     RMDEN17 95.6    0.21%     RZLV 82.6    1.98%     RZUS 149.5    6.03%     STB 981.83    1.27%     STBP 896.62    0.28%     STIL 153.87    3.97%     TETE 2299.91    0.45%     TNB 13946.7    1.16%     TPLF 1113    -9.95%     TTK 1030.25    2.55%     UNI 2618.83    8.01%     ZILU 262.98    2.73%

Касами со последен потег како лидер на БЕСА

Објавено во: Анализа 11 Јануари, 2018

Билал Касами го повлече последниот потег како лидер на БЕСА при средбата со премиерот Заев, за потоа да бидат собрани 64 потписи од Централниот совет за негово разрешување како што тврди Скендер Реџепи-Зејди во емисијата Клик Плус на ТВ 21. Пучот во БЕСА очигледно дава резултати и моќта на Касами се повеќе се намалува при што повеќе негови сопартијци јавно побараа тој да си поднесе оставка и да ги почитува одлуките на партиските тела со цел да не предизвикува понатамошни тензии.

Касами, се обиде да издејствува стопирање на ваквиот контра удар и исто така во последното гостување на Клик Плус посочи дека ги отстранил основачите на БЕСА од партиските тела, а меѓу нив се Африм Гаши и токму погоре споменатиот Скендер Реџепи-Зејди.

Со ваквите меѓусебни удари се повеќе се проширува расколот во БЕСА на две крила, едното кое и натаму покажува лојалност кон Касами и второто кое се обидува уште сега да го разреши за тој да нема голема моќ да го организира првиот Конгрес најавен за крајот на февруари без оглед што ќе има отворен повик за секој заинтересиран кандидат за иден претседател на движењето.

Исто така голема дилема е како ќе продолжи да функционира пратеничката група на БЕСА во Собранието. Пратеникот Неџбедин Каремани е избран од дел од партиските структури и на посебен централен состанок како нов привремен претседател на БЕСА со поддршка и на пратениците Африм Гаши и Реџеп Мехмеди, додека пак во нивниот „табор“ засега јавно не настапија пратениците Фадиљ Зендели и Теута Биљали.

Токму поделеноста на пратениците на БЕСА укажува на можноста еден дел од пратеничката група да се одвои и да делува на различен начин во Собранието, па дури и да се приклучи на актуелното парламентарно мнозинство со СДСМ и ДУИ и потоа да влезе и во Владата каде би добиле гарантирано едно министерско место, повеќе заменички места и можеби едно вицепремиерско место како тоа за реформи кое Заев му го нудеше на Села за одржување на владината „врска“ која Алијансата за Албанците ја раскина.

Најлошо можно сценарио е БЕСА да се подели на две партии со што ќе се намали нејзиниот опозициски потенцијал. Ако останат петмината пратеници во иста група без оглед дали ќе се решат да им се приклучат на Заев и Ахмети и натаму ќе можат да градат политички капитал. 

Поделбата ќе значи и поголема маргинализација на дејствувањето на БЕСА, а за такви последици говори и самиот Касами кој тврди дека овие постапки се дело на мешање од надворешни страни како разузнавачки служби и разни форми на притисоци. 

Од друга страна пак, Скендер Реџепи-Зејди посочи дека постои закана за безбедноста на Каремани и поголема група на централниот совет на БЕСА, па од безбедносни причини се префрлиле во Скопје. 

Х.С.

Можеби ќе ве интересира

Што ги зголеми заштедите: Банките чуваат 5,6 милијарди евра

Што ги зголеми заштедите: Банките чуваат 5,6 милијарди евра

Потрошувачките и станбените кредити забрзано растат: Колку им должиме на банките

Потрошувачките и станбените кредити забрзано растат: Колку им должиме на банките

Дали деблокирањето на евроинтеграциите ќе ја раздвижи економијата?

Дали деблокирањето на евроинтеграциите ќе ја раздвижи економијата?

Кој акционер од штипски „Бетон“ ги продаде своите акции?

Кој акционер од штипски „Бетон“ ги продаде своите акции?

Граѓаните се повеќе се задолжуваат со „брзи“ кредити

Граѓаните се повеќе се задолжуваат со „брзи“ кредити

Кој „крои“ во штипски „Бетон“?

Кој „крои“ во штипски „Бетон“?

Граѓаните соголени до гуша: Фрапантни суми наплатени од извршителите

Граѓаните соголени до гуша: Фрапантни суми наплатени од извршителите

Кој лапна најмрсна дивиденда?

Кој лапна најмрсна дивиденда?

Може ли да се одбие оваа понуда? Претседател на УО нуди 71.000 евра да ги купи сите слободни акции !

Може ли да се одбие оваа понуда? Претседател на УО нуди 71.000 евра да ги купи сите слободни акции !