Кастратовиќ го плати цехот за слабата игра на Вардар
Објавено во: Спорт 16 Октомври, 2016 16:47
Тренерката на женскиот ракометен клуб Вардар, Индира Кастратовиќ денеска доби отказ од раководството на клубот. Ракометарките на денешниот трнинг биле известени за нејзиното заминување. Се чини дека ремито во првиот дуел од овогодинешното издание на Лигата шампионите, кога „црвено-црните“ одиграа нерешено со Будимпешта, го исцрпи трпението на раководството.
„Кој ќе ја замени Кастратовиќ на клупата ќе биде познато деновиве, а клубот дополнително ќе објави детали околу идните чекори за ангажирање на тренер. Досегашниот помошник Аце Станковски останува дел од стручниот штаб и во иднина“, се вели во соопштението на клубот.
Индира Кастратовиќ на чело во Вардар застана во есента 2012 година, и со екипата четирипати по ред беше првак на Македонија и трипати го освојуваше Купот на Македонија. Трипати играше на завршниот Ф4 турнир во ЛШ, и го освојуваа третото место.
Од клубот и се заблагодарија за досега направеното и посакаа среќа во следните нејзини подвизи.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
