22 Ноември, 2019
0.0177

Катаракта – што е и како се третира?

Објавено во: Стил 17 Октомври, 2019

Сте запрашале ли што значи кога некој ќе каже дека гледа како да има перде, односно завеса пред очите?
 
Како што се одвива природниот процес на стареење на целиот организам, така старее и човечкото око и настануваат проблеми со видот. Ако вашиот вид почне да се заматува, светлите бои ви се побледи и нејасно гледате особено навечер, тоа може да е предзнак дека вашата природна леќа полека се заматува и се формира катаракта (перде). Таа може да биде и вродена, да настане како последица на траума, метаболички болести, примена на одредени лекови, висок притисок и сл. Најчесто се појавува по 60-тата година, но може да се појави и кај помлади лица.
 

За разлика од одредени очни болести, катарактата не може да се третира со примање на терапија како капки, маст, таблетки или да се решава со вежби за очи. Единствен начин на кој може да се острани е со хирушка интервенција односно со светски познатата ФАКО метода, со која се прави мал рез во самото око и со помош на ултразвук се остранува природната леќа и се вградува нова интраокуларна леќа. Станува збор за безбедна и кратка интервенција, која се прави со локална анестезија.

Во денешницата, со операција на катаракта се остранува и диоптрија.Интраокуларните леќи се најсовремените импланти за очи со кои освен што се остранува заматената леќа, се корегира и диоптријата. Така, за пациентот има двоен бенефит – јасен, чист, колоритен вид без диоптрија. Има повеќе видови на интраокуларни леќи и нивниот избор зависи од желбата на пациентот и анатомијата на окото, што се утврдува врз основа на прегледот. Класичните интраокуларни леќи се монофокални леќи, кои, како што самото име кажува, имаат еден фокус и овозможуваат после операцијата да гледате добро далеку без очила, но мора да носите очила за блиску (или обратно, зависи од вашата желба за вид). Монофокалните леќи може да бидат дизајнирани и како торични леќи, така што освен што се корегира диоптријата за далеку, се решава и астигматизмот (цилиндерот).

Со напредокот на технологијата, се развија и мултифокалните интраокуларни леќи кои имаат 2 или 3 фокуси. Најновата генерација на мултифокални леќи се трифокалните леќи, кои освен што добивате добар вид на близу и далеку, овозможуваат и добар вид на средна далечина, што е многу значајно за пациенти кои многу време работат на компјутер. Со помош на овие леќи, ќе можете без очила да читате весници и книги, да се бричите или шминкате, да гледате во телефон, да работите на компјутер, да гледате ТВ, да возите автомобил, да се бавите со спорт и да ги обавувате вашите секојдневни активности.


Автор: Д-р Златко Арнаудовски, офталмохирург

ПЗУ Систина Офталмологија


Можеби ќе ве интересира

Словачката жена нема време за себе: Интервју со сопругата на словачкиот амбасадор

Словачката жена нема време за себе: Интервју со сопругата на словачкиот амбасадор

Средношколката Бисера им држи лекција: Почитувани министри, почитуван премиере, зошто постои образованието?

Средношколката Бисера им држи лекција: Почитувани министри, почитуван премиере, зошто постои образованието?

Око за око, Прелепотица за Мачкица

Око за око, Прелепотица за Мачкица

Порано ги исмевале, денес се горди на себе: Крупни Македонки кои профитираа од килограмите

Порано ги исмевале, денес се горди на себе: Крупни Македонки кои профитираа од килограмите

И се заканува целосна паpaлиза на Лидија ако не донираме итно

И се заканува целосна паpaлиза на Лидија ако не донираме итно

Може да сме среќни и со празен ранец: Интервју со Тања Брковска

Може да сме среќни и со празен ранец: Интервју со Тања Брковска

Колку заработуваат најпознатите спортисти на светот од Инстаграм објавите?

Колку заработуваат најпознатите спортисти на светот од Инстаграм објавите?

ЗА НЕГО НЕМА ЛЕК, САМО ТЕРАПИЈА: Како да препознаете дека имате дијабетес

ЗА НЕГО НЕМА ЛЕК, САМО ТЕРАПИЈА: Како да препознаете дека имате дијабетес

Наша репортажа: Неколку работи за авантуристите и оние кои очекуваат повеќе од Санторини (II дел)

Наша репортажа: Неколку работи за авантуристите и оние кои очекуваат повеќе од Санторини (II дел)