Керим: Македонија – нова бизнис дестинација за Казахстан
Објавено во: Мои пари 21 Април, 2016
Претседателот на ТУК при Сојуз на стопански комори, г. Аркан Керим во неколку дневна официјална посета на Казахстан.
Во рамки на посетата на Казахстан, претседателот на Туристичко – Угостителската Комора при ССК, Аркан Керим учествуваше на Меѓународниот саем за туризам во Казахстан кој се одржува во Меѓнародниот изложбен центар Атакент во градот Алмати каде оствари директни средби со ТУР оператори од повеќе држави. Дополнително, денеска беше реализирана презентација од страна на Аркан Керим за можностите за туризам и потенцијалите на Република Македонија како туристичка дестинација пред ТУР оператори од Казахстан. Имено, ваква презентација ќе се реализира и утре, во главниот град на Казахстан, Астана пред најголемите ТУР оператори.
Во фокусот на саемот е презентирање на производи за подобрување на можностите за туризам, туристички услуги и решенија, услуги за сместување и луксузни услуги, храна и хотел и други. На Меѓународниот саем за туризам се претставуваат светските водечки ресорти и нивното работење, како и добри практики за унапредување на угостителството и туризмот како една од носечките столбови на економијата на секоја држава.
Имено, за време на саемот се организираат и спроведуваат работилници и интерактивни форуми, кои се атрактивни и корисни за сите посетители. Исто така, за време на саемот, посетителите се информираат за нови решенија и технологии а воедно и за најдобрите туристички места во светот. Саемот е исто така идеална можност за воспоставување на деловни контакти и конкретна соработка
Сојуз на стопански комори во насока на застапување на интересите на своите членови, активно соработува со дипломатските претставништва на Република Македонија.
Во оваа насока, Сојуз на стопански комори остварува континуирана соработка со Амбасадата на Република Македонија во Казахстан, и Амбасадорот г. Илија Псалтиров. Како резултат на соработката на 03.05.2016 ќе се оствари посета на делегација на инвеститори од Казахстан, со кои Сојуз на стопански комори ќе оствари средба за идна соработка и унапредување на повеќе сектори од заеднички интерес на двете страни.
Можеби ќе ве интересира
ЕБИТДА во првите девет месеци од 2024 година достигна 336 милиони денари при пад на цените на нафтата и зголемени трошоци
Шпаркасе Банка едуцираше повеќе од 4 000 деца за важноста на штедењето во текот на октомври
Трилер-вечер со „Што се случи со Исидора?“ од Јана Мишо во „Литература.мк“ во „Дајмонд мол“
АТЛЕТИТЕ ОД СПЕЦИЈАЛНА ОЛИМПИЈАДА СЕВЕРНА МАКЕДОНИЈА СО 3 ОСВОЕНИ МЕДАЛИ НА ЕВРОПСКАТА ПЛИВАЧКА СРЕДБА НА СПЕЦИЈАЛНА ОЛИМПИЈАДА ВО МОНАКО, ПОДДРЖАНА ОД ПРИНЦЕЗАТА ШАРЛИН
„Флекс кредит“ на престижната регионална конференција „Microbalkans 2024“ во Сараево
Фондацијата Др. Верица Механџиска и Зегин ги обединуваат светските и домашните експерти за аутизам и АДХД на конгрес во Скопје
Dioptra Optics ексклузивно ја претстави најновата колекција на Valentino очила во Македонија
Конференција на „Блумберг Адрија“ во Скопје: „Економски потенцијал и развојни можности на Македонија“
Халкбанк го одбележа Меѓународниот ден на штедењето со низа активности за поттикнување позитивни финансиски навики кај децата
