Добивај вести на Viber
Украинскиот парламент го усвои прелог – законот за укинување на статусот за воена неутралност и ги придвижи напорите за приклучок кон НАТО, објавија украинските медиуми.
За предлог – законот гласале 303 пратеници од украинскиот парламент, што е за 77 гласови повеќе од потребниот минимум, додека само осум пратеници гласале против, пренесува „Ројтерс“.
Законот за воена неутралност Украина го усвои во 2010 година под притисок на Русија, наведува „АФП“.
Укинувањето на овој статус на Украина ќе и овозможи да може да се приклучува во воени сојузи.
Претседателот на Украина, Петро Порошенко, на деветнаесетти декември до парламентот го упати на разгледување нацрт законот за укинување на статусот за воена неутралност на Украина, се наведува на неговата веб страница.
Причините за ваквата одлука се, како што велат, да се создадат дополнителни механизми за обезбедување на суверенитетот, територијалниот интегритет и независност на Украина.
„Статусот воена неутралност се покажа како неефикасен во контекст на одбраната на земјата кон агресиите и притисоците. Фактот дека Украина се наоѓа во „сива“ тампон зона помеѓу моѓни системи на колективна одбрана на долги патеки е дополнителен предизвик за нашата земја“, порачал Порошенко во образложението на нацрт законот.