Кина и Русија ќе основаат центар за истражување на Месечината и вселената
Објавено во: Свет 11 Март, 2018
Русија и Кина потпишаа договор за соработка во областа на
истражување на Месечината и вселената, како и изградба на центар за лунарно
истражување.
Двете држави постигнаа договор за создавање заеднички центар за размена на
податоци за лунарните проекти и проекти за истражување на вселената, објави
руската вселенска агенција "Роскосмос".
Во соопштението се истакнува дека во проектот ќе бидат вклучени научни и
индустриски организации и компаниите.
Земјите, исто така, ќе ги разгледаат можностите да обезбедат поддршка за
имплементација на лунарните програми. Ова, исто така, вклучува и лансирање на
руски орбитер Луна-26 во 2022 година, додека Кина планира да слета на јужната
половина на Месечината во 2023 година.