Кина му се одмаздува на Трамп, ќе има ли трговска војна?
Објавено во: Свет 02 Април, 2018
Како одговор на Трамповите дејствија, Кина денес ги објави контрамерките на увозот на американските производи наметнувајќи царини во висина до 25 отсто на 128 конкретни производи, се огласи кинеското министерство за финансии, а пренесува агенцијата Синхуа.
Официјален Пекинг предупреди минатиот месец дека размислува за воведување царини што предизвика загриженост поради можност од избивање трговска војна меѓу двата економски гиганти.
Новите кинески даноци, кои ги одреди комисијата задолжена за царински тарифи во рамки на кинеската влада, се однесуваат на различни производи од овошје до свинско месо.
Американскиот претседател Доналд Трамп на 22 март најави дека САД ќе воведат нови царини во висина од околу 60 милијарди долари на увезената кинеска стока, што предизвика хаос на светските финансиски пазари.
Потоа Кина одговори на тој потег објавувајќи листа на 128 производи на кои ќе биде воведена царина од 15 до 25 отсто во случај на неуспех на преговорите со Вашингтон.