Кина се подготвува за војна?

Добивај вести на Viber

Претседателот на Кина Си Џинпинг ја повика армијата да биде подготвена за војна и војската да не се плаши од смртта при заштита на татковината. 

Повикот на државниот шеф кон најголемата борбена сила во светот дојде за време на она што државните медиуми го окарактеризираа како ретко обраќање на кинескиот лидер до сите војници во земјата. 

Си Џинпинг стана најмоќниот лидер на Кина во последните децении за време на конгресот на Комунистичката партија во октомври, а реториката од оваа недела и фотографии наредени на едно место од војници и тенкови изгледаат како создадени да го поддржат неговиот нов имиџ на силен лидер. 

Кинескиот воен персонал "не треба да се плаши од тешкотии или смрт", рече претседателот пред илјадници воени лица за време на посетата за инспекција во средата во армиска команда во северната провинција Хебеј, јави агенцијата Ксинхуа. 

Претседателот исто така, ја повика војската, една привремено заостаната воена сила, чија брза модернизација во последниве години рашири тревога во Азија и Вашингтон, да продолжат да се развиваат. Тој ја повика армијата да го засили истражувањето во областа на воени средства и да се вклучат со "вистинска борбена обука", соопшти Ксинхуа. 

"Создај елитна и моќна сила, која секогаш е подготвена за битка, способна да се бори и сигурно да победи за да ги исполни задачите дадени од партијата и луѓето во новата ера", цитиран е шефот на државата. 

Како началник на Централната воена комисија на Комунистичката партија, Си Џинпинг е врховен командант на вооружените сили на Кина, чиј личен состав брои повеќе од две милиони. 

По преземањето на функцијата во 2012 година Си Џинпинг работи за зголемување на воената моќ на Кина, вклучувајќи ги неговите повици во октомври за создавање на кинеска армија "светска класа" до 2050 година.