Добивај вести на Viber
Купувачи од странство, во САД за станови и куќи потрошиле 82 милијарди долари минатата година, покажуваат податоците на Националната асоцијација на трговците со недвижности, пренесува ФоксЊуз.
Од оваа сума, Кинезите потрошиле над 7 милијарди долари и сега се најдоа на второто место веднаш по Канаѓаните. Богатите од Кина купуваат скапи станови за милиони долари од Калифорнија до Њујорк и плаќаат во кеш, пренесуваат медиумите.
Некои од овие имоти се создадени специјално за да се допаднат на кинески купувачи. Куќа во Пасадена, Калифорнија, на пример, која се нуди за 8 милиони долари, располага со две кујни, од кои во едната има посебен систем за вентилација, прилагоден за готвење на зачинетите кинески јадења. Во имотот има дури има и вештачко езерце со рипки.
Кинезите сакаат да купуваат, но и да живета во САД, бидејќи можат да добијат многу повеќе отколку во својата земја, а за истите пари. Во Шангај пример за 2 милиони долари, може да се купи само еднособен стан. Некои од кинеските купувачи живеат во САД постојано или барем поголем дел од годината. Во исто време, околу 40% од становите се купуваат како идна инвестиција во имот од страна на Кинези.
Кинезите исто така ги разграбаат куќите во САД, кои се најдоа под хипотеки во регионите погодени од кризата , како Невада и Флорида. Некои Кинези купуваат и по две-три куќи одеднаш.
Според податоците на шангајската списание „Hurun Report“, во Кина има 1 милион милионери и речиси половина од нив велат дека сакаат да инвестираат во САД.