ЌЕ ИМА ЛИ НОВА РЕВОЛУЦИЈА: Фејсбук планира платен систем заснован на биткоин
Објавено во: Стил 04 Мај, 2019
Компанијата Фејсбук планира платен систем заснован на криптовалути кој би можел да го покрене за милијарди свои корисници ширум светот, пренесува Волстрит журнал.
Системот би користел дигитални пари слични на биткоинот, но поинаков во таа смисла што Фејсбук би настојувал да ја одржи стабилноста на вредноста на својата валута за разлика од биткоинот и сличните валути чија вредност е подложна на нагли промени.
Новиот систем како што се наведува , наводно би можел да ја „поткопа“ употребата на кредитни картички така што на овој начин би се избегнало плаќање на надомест за обработка од која се генерираат поголем дел од нивните приходи.
Во статијата на магазинот , се наведува и дека Фејсбук ангажира над десеттина финансиски компании и „онлајн трговци“ да го покренат системот.
Фејсбук во својот коментар на ова наведува дека моментно само ги истражува различните апликации за новата технологија на криптовалутите.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
