01 Февруари, 2023
0.0216

ЌЕ ИМА РАЗРЕШУВАЊА ЗА ЕНЕРГЕТСКАТА КРИЗА: Прв е Васко Ковачевски, директорот на ЕСМ?

Објавено во: Економија 09 Ноември, 2021

Добивај вести на Viber

Ќе има ли разрешувања или оставки и дали и кој ќе понесе одговорност за лошата ситуација во која се најде Македонија на енергетски план? Според информации на Фактор, Васко Ковачевски, актуелниот директор на АД Електрани на Северна Македонија (ЕСМ) треба да биде разрешен од функцијата на денешната владина седница, но официјална потврда од Владата нема, а не ја потврди ни самиот. 

Изворите велат дека иако определбата за смена на Ковачевски била децидна минатата недела, големо влијание за носењето имал и разојот на настаните на политичката сцена изминатиов викенд па и вчера. ВМРО-ДПМНЕ поднесе вчера барање за гласање на доверба на Владата, а премиерот Зоран Заев во објавата која следуваше не навести сепак дека ќе си ја поднесе оставката од премиерската функција и официјално иако веќе ја најави на денот на вториот круг од изборите. Во четврток треба да се гласа доверба на Владата, па нашите извори велат дека тоа би можело да има влијание и на носењето на други владини одлуки.

Ковачевски е клучна фигура во моментов ако се анализира енергетската ситуација во земјава. Вчера од утрото не беше во функција ниту еден блок на РЕК Битола, а не се вклучени ниту ТЕЦ Осломеј, ниту ТЕЦ Неготино. Со нула домашно производство на електрична енергија, Ковачевски одлучи недостигот да се надополнува со струја од увоз.

Вчера како што објави Фактор, државната компанија за производство на струја ЕСМ плати 1,1 милиони евра за набавка на електрична енергија која е потребна само за три дена односно за периодот од 7 ноември до денеска – 9 ноември.

ЕСМ јакупува енергијата од 4 трговски компании и од еден приватен производител на струја. Цените за еден мегаватчас се движат од 199 евра до 259 евра. Само за споредба цената по која ЕСМ ја продава својата струја за потребите на домаќинствата е 37 евра за еден мегаватчас.

За завчера беа пазарени 10 мегавати моќност што е 5 отсто од инсталираниот капацитет на еден блок во РЕК Битола, а за вчера и денеска се набавуваат 90 мегавати моќност или 45 отсто од инсталираниот капацитет на еден блок од РЕК Битола.

Просечната цена за еден набавен мегаватчас изнесува 240 евра.

Сепак кон ЕСМ се посочува како клучен виновник за лошото менаџирање на производството дома во услови на недостиг и поскапување на енмергиојата и во странство. Сепак и експертите сметаат дека оваа компанија па и државата требаше подобро да го изменаџираат процесот и навреме да се подготват за ова. 

Вчера и Куштрим Рамадани, првиот човек на МЕПСО за Фактор тврдеше дека ситуацијата е многу лоша.

Рамадани е дециден дека мора брзо да се реагира и дека во моментов топлото време е на наша страна.

„Повторно преземавме струја и исклучувањето на блокот во РЕК Битола не ни оди во прилог. Не се знае што ќе правиме со јагленот и дали освен РЕК Битола ќе може да се стави во функција и ТЕЦ Осломеј. Секако ситуацијата со нула домашно производство не е добра и не ни оди во прилог, изјави Рамадани за Фактор.

Денеска се очекува и прогласување на кризна енергетска состојба.

А.Т.


Можеби ќе ве интересира

АРТАН ГРУБИ ОБЈАВИ ВАЖНА ВЕСТ: Италијанската ИРД денеска доставила банкарска гаранција, Бехтел и Енка почнува да гради на Коридор 8

АРТАН ГРУБИ ОБЈАВИ ВАЖНА ВЕСТ: Италијанската ИРД денеска доставила банкарска гаранција, Бехтел и Енка почнува да гради на Коридор 8

ЗЕМЈАВА СЕГА ПЛАЌА ГАС ПО 98 ЕВРА ЗА МЕГАВАТЧАС, А НА БЕРЗИТЕ Е 60 ЕВРА - Ковачевски уверува дека така нашите граѓани се штителе од нагло поскапување

ЗЕМЈАВА СЕГА ПЛАЌА ГАС ПО 98 ЕВРА ЗА МЕГАВАТЧАС, А НА БЕРЗИТЕ Е 60 ЕВРА - Ковачевски уверува дека така нашите граѓани се штителе од нагло поскапување

Лани државата за 17 отсто ги зголемила приходите од даноци

Лани државата за 17 отсто ги зголемила приходите од даноци

НОВ БРАН ПРОТЕСТИ ЈА ПАРАЛИЗИРАА ФРАНЦИЈА: Училиштата затворени, сообраќајот во застој

НОВ БРАН ПРОТЕСТИ ЈА ПАРАЛИЗИРАА ФРАНЦИЈА: Училиштата затворени, сообраќајот во застој

Анѓушев: Од мај продажба на електрична енергија за извоз

Анѓушев: Од мај продажба на електрична енергија за извоз

ПЕНЗИСКИОТ ФОНД НА НОРВЕШКА ДОЖИВЕА НАЈГОЛЕМА ЗАГУБА ВО ПОСЛЕДНИТЕ 25 ГОДИНИ: Помалку има дури 152 милијарди евра

ПЕНЗИСКИОТ ФОНД НА НОРВЕШКА ДОЖИВЕА НАЈГОЛЕМА ЗАГУБА ВО ПОСЛЕДНИТЕ 25 ГОДИНИ: Помалку има дури 152 милијарди евра

Бектеши открива: Гасот доаѓа од Турција и Грција

Бектеши открива: Гасот доаѓа од Турција и Грција

Официјално: Над 10.000 Македонци лани работеле како странци во Хрватска

Официјално: Над 10.000 Македонци лани работеле како странци во Хрватска

За колку се намали вредност на рубљата во однос на доларот?

За колку се намали вредност на рубљата во однос на доларот?