Ќе куртули ли Јанкулоска за мерцедесот
Објавено во: Македонија 25 Јануари, 2020
Предметот за ексминистерката Гордана Јанкулоска вчера бил рефериран, но одлука не била донесена од страна на петчлениот Совет. Ова го потврдија за Фактор од Врховен суд.
Пресудата за Јанкулоска вчера беше разгледувана зад затворени врати од петте члена на Советот на Врховниот суд.
Од таму тврдат дека детално ќе проучуваат, но кога ќе „пресечт“, не се знае.
„Предметот беше рефериран на вчерашното судење, меѓутоа одлука не е донесена. Одлука ќе биде донесена по детално проучување од страна на Советот. Не може да се предвиди кога точно“, велат од Врховен суд.
Инаку, судиите можат да ги потврдат, преиначат или да ги укинат пресудите за Тенк.
Инаку, веќе се поминати седум месеци, откако во јули лани на Јанкулоска и беше одложено издржувањето на затворската казна за овој случај.
За потсетување, Јанкуловска има правосилна судска пресуда за казна затвор од четири години, откако претходно Апелацискиот суд и ја намали првостепената пресуда од шест години. На издржување на казната требаше да замине на први јули годинава, а претходно беше „поштедена“ со образложение од судот дека има за чување мало бебе под едногодишна возраст.
Како што веќе пишуваше Фактор, петчлениот кривичен совет на Врховниот суд на чело со претседателот Јово Вангеловски тогаш донесе одлука да го усвои нејзиното барање казната да се одложи, се до вонредното преиспитување на правосилната пресуда.
Што ќе се случува понатаму, зависи како ќе пресече советот. Ако тој ја прифати правосилноста на пресудата, Јанкулоска ќе мора да замине во затвор. Но, има опција постапката да се разводени, ако случајот се врати на пониските судови.
„Доколку Кривичниот совет ја потврди правосилноста на пресудата, односно доколку се одбие барањето на осудената за нејзино вонредно преиспитување, во тој случај казната останува. Тогаш веќе нема правни пречки за издржување на казната. А кога осудената ќе почне да ја издржува казната ќе зависи од другите институции, како што е Управата за извршување на санкциите. Но, доколку се уважи барањето на осудената, има опција да се укине пресудата, и во тој случај постапката се враќа на пониските судови. Се зависи од тоа како тие ќе одлучат, што значи дека има опција и за повторување на судењето“, изјавија неодамна за Фактор од Врховниот суд.
Инаку, предметот „Тенк“ се однесува на набавката на блиндираниот „мерцедес С 600 гард“ вреден 600 илјади евра