Ќе се ископа канал и Катар ќе биде остров?
Објавено во: Свет 31 Август, 2018
Саудиска Арабија сака да ископа канал и да го претвори Катар во остров.
Висок саудиски државен функционер денес го потврди тврдењето на локалните медиуми дека монархијата планира да ископа канал за да го одвои Катар од копното и да го претвори во остров.
„Како граѓанин, едвај ги чекам деталите од спроведувањето на проектот остров Исочна Салва, првиот голем историски проект кој ќе ја измени мапата на регионот“- објави преку Твитер Сауд ал Катани, советник на принцот престолонаследник Мохамед бин Салман.
Катарските власти не коментираат.
Саудиска Арабија, Обединетите Арапски Емирати, Бахреин и Египет ги прекинаа во јуни 2017 дипломатските, трговските и сообраќајните врски со Катар, обвинувајќи го дека поддржува тероризам. Доха ги отфрла обвинувањата и тврди дека соседите сакаат да го поткопаат нејзиниот суверенитет.
Советникот Катани и претходно на Твитер го спомнуваше проектот, но денешната порака е најјасната изјава за иницијативата која критичарите ја сметаат повеќе за тактички маркетиншки потег за да се иритира Катар, отколку за сериозен план.
Приказната за каналот првичнос е појави на интернет портал близок до саудиските власти. Неименувани извори во април ги открија плановите за изградба на воена база и депонија за нуклеарен отпад вдолж 60-километарскиот канал широк 200 и длабок 20 метри кој би се протегал покрај целата граница со Катар.
Трошоците за изградбата ќе чинат 747 милиони долари.
Можеби ќе ве интересира
Стратегија за надминување на проблеми со недостиг на лекари специјалисти, бара научната фела
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
