Ќе се менува Законот за јавни набавки

Добивај вести на Viber

На идните тендери за јавни набавки ќе мора да се внимава најмалку 5 домашни и 5 странски компании да ги исполнуваат условите за пријавување, предвидуваат измените во Законот за јавни набавки што ги усвои Владата на вчерашната седница и ги достави до Собранието. Исклучок ќе бидат само набавките на производи што ги произведуваат само неколку компании во светот. Владата очекува измените да помогнат за подобрување на квалитетот и транспаретноста  на  процесот и да се направат заштеди во Буџетот. Освен ова, на јавните тендери ќе можат да се јават повеќе компании со што значително ќе се зголеми конкуретноста, вели премиерот Никола Груевски. „Со измените се допрецизираат и обврските на Советот за јавни набавки кој на тој начин станува сериозно и значајно тело преку кое планираме да оствариме дополнителни заштеди во Буџетот, бидејќи колку е поголема конкурентноста и колку повеќе компании доаѓаат да се натпреваруваат преку електронското јавно наддавање, толку поголема е шансата цената да падне“, додаде Груевски.