Ќе се претвори ли Србија во втора Украина?

Добивај вести на Viber

Многумина стравуваат дека земјата може да се претвори во втора Украина "Русија е еден од главните трговски партнери на Србија, заедно со Италија и Германија", изјави српскиот премиер Ивица Дачиќ за време на средба со руски бизнисмени во градот Јагодина. Таму руската компанија North Karton ќе гради фабрика за производство на картонска амбалажа. Руските претприемачи, предводени од Владимир Словохотов, кој е сопственик на North Karton, беа поздравени од Дачиќ, кој рече дека тие треба да се чувствуваат како дома, бидејќи се наоѓаат меѓу пријатели. Тој изјави дека се радува на поголемо присуство на руски компании во земјата и потсети дека вредноста за изградбата на "Јужен поток" на територијата на Србија е околу две милијарди евра. Според него на овој проект ќе бидат ангажирани илјадници луѓе и бројни компании. Дачиќ вели дека владата подготвува програма, чија цел е да се зголеми извозот и развојот на локалното земјоделство. Тој објасни дека во првите девет месеци на 2013 година економијата на земјата постигна мал раст и е особено задоволен од фактот дека индустриското производство се зголеми за повеќе од 5 отсто во однос на истиот период минатата година. Рускиот пазар е огромен и Србија треба да пристапи кон организиран извоз на својата земјоделска продукција, истакна тој. Дачиќ додаде  и дека на средбите во Москва со рускиот премиер и претседател му е кажано дека Русија е подготвена да купи се што Србија во областа на земјоделството ќе произведе. Сепак и покрај големата поддршка која  Русија и ја дава на Србија, медумите во земјата пред една недела напишаа дека постои опасност земјата да се претвори во втора Украина, бидејќи руското влијание во неа се зајакнува. К.К.